مفتـــــــــــاح الخير _ صحوا النوم

بالله عليك اقرأ بقلبك
انت عاوز ايه من حياتك ووقتك ؟؟
مش خسران حاجة يا أخي في الله


اتفضل لاقى نفسك



>مفتـــــــــــاح الخير _ صحوا النوم<



حاسس أنى مخنوق ومضايق وتعبان
حاسس أن فى قلبى هموم
واني مش فرحان مهما حصل
نكد دايما
الحزن معايا على طول الخط
شايف الدنيا سوداء




تعرف ان احساسك ده لو زاد ممكن والعياذ بالله تنتحر ؟؟!!
يا خبر وايه العمل ؟؟؟؟؟؟؟؟؟؟؟؟؟؟؟؟؟؟؟


أنت عارف أن حلك بسيط اوي ؟؟
يا سلام .. ليه معاك مصباح علاء الدين ولا المارد , بقولك ايه لو كنت فاضي ومش لاقي غيري روح من وشي
ليه يا دنيا انتي كده


بس بس .. اهدأ
اسمع كده ربنا فى كتابه بيقول ايه
قال تعالى (وَمَنْ أَعْرَضَ عَنْ ذِكْرِي فَإِنَّ لَهُ مَعِيشَةً ضَنْكًا وَنَحْشُرُهُ يَوْمَ الْقِيَامَةِ أَعْمَى))طه آية 124


قال تعالي
( واستعينوا بالصبر والصلاة وإنها لكبيرة إلا على الخاشعين ( 45 ) الذين يظنون أنهم ملاقو ربهم وأنهم إليه راجعون ( 46 ) ) البقرة


يا سلام عليها
ده انت بخيل اوي على نفسك
شفت الحل الصبر والصلاة



وشوف ربنا ذكر من صفات الخاشعين الايمان بالآخرة


أنتا عارف ايه أول اللي بتحاسب عليه في الاخرة ؟؟؟؟؟؟؟؟؟؟؟؟؟؟ ( الصلاة يا أخي في الله )
اليوم اللي ياتي فيه الخلق حفاة عراة
لا أخ ولا أب ولا حبيب ولا زوج ولا ولد


فقط عملك فإن صلحت صلاتك صلح عملك



بقه هوه كده طاب ما أنا باصلي ؟؟
حاسس بإيه؟؟


ولا حاجه حركات واقلب
ذكريات حياتي كلها الحاجات اللي عمري ما بافتكرها بتهل عليا ساعتها


بقه بذمتك عندك 24 ساعة كل يوم مستكتر ساعة تعالج بيها الدنيا والآخرة؟؟
أول حاجة تعملها تكذب


ايه احنا مالنا ومال الكذب


هاقولك


تقول الله أكبر


معناها انه اكبر من حياتك من ذكرياتك من كل اللي بتفكر فيه من فلوسك من ولادك من حبايبك من مشاكلك


ورغم كده ولا انت هنا


يا خبر ده كمان طلعت كذاب !! اد ايه ربنا رحيم بيا انه لسه عايش عشان اتوب


ارجوك قول لي اكيد فيه أسرار تانية وفيه معانى اجمل


والله فيه فيه سعادتك وراحتك وحياتك وحياة قلبك


تتكلم الحمد لله علي الحياة علي التوبه علي الننفس اللي خارج علي كل النعم يااااااااه على ان ادخلتني بيتك واوقفتني بين يديك
رب العالمين كل الناس مديرك زميلك رئيس الجمهورية اغني واحد في العالم افقر واحد في العالم .. انت .. كل العوالم الله هو ربها وخالقها


رحمته وسعت كل مخلوقاته يسمع الكل ويبصر الكل ويخلق الكلق ويراقب الكل
(وَمَا قَدَرُوا اللَّهَ حَقَّ قَدْرِهِ)


مالك يوم الدين يا الله يوم نبعث فنبدو كالفراش المبثوث والجبال تبقى العهن المنفوش ونتحاسب اللي عمل خير جنة نعيم واللي اساء في دنياه نار جهنم
وبص علي الايه دي


"ما سلككم في سقر قالوا لم نك من المصلين"


يا الله انت الملك ونحن لك عابدون نلوذ منك إليك


فاهدنا يا الله صراطا مستقيما


سألوا احد الصالحين كيف تخشع في الصلاة ؟؟ فاجاب بما معناه انه يكون علي صراط في الصلاة جانبيه هذا جنه والاخر النار


هؤلاء من بنعمتك اللهم شملتهم فالحقنا بهم ولا تغضب علينا فنحن نتقرب اليك بالصلاة والنوافل



لو تذكرنا تلك المعان وغيرها كل يوم 5 مرات ما عصيناه !! ولقدرناه حق قدره



يــــــــــاه .. ايه الكنز ده انت حاسس كده ياسلام اكيد الباقي أسرار


ولسه


هاه لسه معاند ولا عاوز علاجك وفلاحك


خلاص توكلت علي الله


عاوز أخشع في الصلاة



بص بقه


عندك موقع هيفيدك في اخلاقك جدا


اسمه ( ركاز لتعزيز الاخلاق )

http://www.rekaaz.com/


وبرنامج رائع اسمه


" كيف تتلذذ بالصلاة ؟؟" انا كنت زيك لحد ما شفت البرنامج


الحلقة عبارة عن ربع ساعة واتفضل ( بالله عليك شوفه هتكسب كتير )
http://www.rekaaz.com/audio/showmaq-102-0.html

ادخل علي " ركاز " ___ برامج تلفزيونية _ كيف تلذذ بالصلاة الجزء الاول والثاني


خلي بالك لو خشعت في الصلاة


هتفارق الصلاة الباردة اللي بلا مشاعر توكل علي الله
هتحش معاني جميلة
وهيزيد ايمانك
ومهما حصل لك هتستشعر الله معاك
وهتصبر علي الابتلاءات




الدنيا ساعة ... فاجعلها طاعة


يـا تـاركـاً لـصلاتـه***إن الـصلاة لـتشتـكي
وتـقول فـي أوقـاتها***الله يـلعـن تـاركـي....!!!!!







واجب عملى لكل متطوعي الحملة /


عليكم بالأقسام يا شباب


بوسترات وصور تدعو للصلاة في نادي الصور


يوتيوب ونغمات عن الصلاة


أشعار عن الصلاة


فضل الصلاة


تارك الصلاة


قصص عن الصلاة


تواقيع وصور رمزية عن الصلاة


واعمل لنفسك محاسبه عن صلاتك فيه تقدم ؟؟ خشوع ؟؟ حسيت بايه ؟؟


ويا ريت تكتب عن احساسك ؟ وشجع زمايلك!!


خذ حسنات


ويا ريت تكتب ايجابيات وسلبيات يومك وتحسبها بلغة الحسنات والسيئات وتستغفر علي كل اللي فاتك




همسة


رمضان أقبل فاستعدوا


نداء


لا تنسوا الشعوب التى ما زالت في ثورتها دعواتكم لليبيا وسوريا واليمن في كل صلاة و لمصرنا ولامتنا بالصلاح والهدايه